Ne gieregoord

Ne gieregoord
Ne gieregoord... of peerebiest gelek as z'hier in Olsit zeggen es ne knol die te biest es dat'n eh sengsken verteerd en die van alles zo willen profiteiren... da wedj' allemool eihn, t'was ni nooidig van da te zeggen... wedje wa voort da de grooistje peerebiest van 't stad teige gekommen es eh?
Ha kloeg van geweljege moagkrampen en was on 't kazakken op aal de doktoers. De doktoers zen charlatangs... z'eksplwaiteiren ha... ze zollen a leefdeg 't vel af doen. Wetje meh ba toijd van ginnen goeien doktoer, ni te kostelek, ver men moag?
'K gaf hem 't adres van ne goeien die ver 't ieste viziet 20 fr. vroagd en 10 fr. ver de volgende.
De biest trekt er nortoe.
A... dag menheer den doctoer! 'k ben te kik verom zeê!
Den doktoer die 't in 't snotjen hoi bezied hem iensj goed en... :
Dag vrindj... oei oei, geziet ter veil beiter oit..., doed azooi voesj... t'es 10 fr.